Страшна несреќа се случила во раните утрински часови на германскиот автопат А19 во близина на Ребел, во сојузната покраина Мекленбург-Западна Померанија. Автобус на „ФликсБус“ што сообраќал од Копенхаген до Виена излетал од патот и се превртел, а во него имало 55 лица, јавува „Ројтерс“.
Патниците спиеле кога автобусот, од сè уште непознати причини, скршнал од патот и завршил настрана. Најмалку 20 лица се повредени, од кои едно потешко. Таа била заробена повеќе од два часа пред пожарникарите да ја спасат. За среќа, возачите избегале неповредени.
На местото на настанот реагираа бројни екипи за итни случаи, хеликоптер и неколку противпожарни екипи. Автопатот кон Берлин е затворен, а полицијата сè уште истражува што ја предизвикало оваа сериозна сообраќајна несреќа.
At least 23 people were injured when a long-distance coach operated by FlixBus overturned on a motorway in north-eastern Germany, according to a police update https://t.co/C9FsONGUdD
— dpa news agency (@dpa_intl) July 4, 2025