Дали граѓаните ќе ги намалат трошоците за летните одмори по последното поскапување? ТВ21 направи анкета во Тетово за да ги праша колку поскапувањето удрило по нивниот џеб и дали ќе можат да отидат на летен одмор оваа година?
-Сите цени одат погоре и погоре. Можат да одат тие што имаат, тие што немаат, не можат да одат.
-И во Австрија како и овде, исто е, скапо е со таа плата.
-Мислите ли дека луѓето ќе можат да отидат на море? Не верувам, и таму е скапо и таму е поскапено.
-Цените се зголемени колку сакаш, сиромаштијата нема леб да јаде. Одмори? Каде има пари за тоа бе брат, одат тие што имаат бизниси и што крадат, сиромаштијата не може никогаш да види море.
-Многу се покачени цените, за мене три пати, некој нема ни пензија. Какво море, не размислувам, не може бе брат, ништо не останува.
-Земам 6 илјади денари. Каде да одиш, какво море.
-Цените многу се покачени, какво море, ни во сон не го гледаме, не ни стасува ни за цигари и леб.
-Многу е поскапено. Тие што имаат ќе одат а ние што немаме не можеме да одиме.
Отидовме и во една туристичка агенција и прашавме дали има интерес за резервации. Оттаму ни рекоа дека секој ден по два авиона полнат и дека јули е веќе полн и нема слободни места.
„Оваа година има туристички понуди, за Турција, Албанија, Црна Гора, но повеќе се фокусирани на турското крајбрежје. Оваа година има повеќе барања за Турција но и за Албанија. Со по два лета на ден, седми месец е веќе полн“, вели Бесим Рауфи.
За две лица, седум ноќевања, цените почнуваат од 1000 евра па нагоре за Турција, а за Албанија едно ноќевање со хотелско сместување чини од 80 евра и повеќе за едно лице.