Серијата на земјотреси во близина на грчкиот град Лариса продолжува и вечерва. Во 19:24 часот беше регистриран нов земјотрес со јачина од 5,1 степен со епицентар од 30 километри западно од Лариса.
Денеска имаше најмалку 20 земјотреси во истата област со јачина од над 3 степени, а барем десетина беа и над 4 степени.
Најсилниот беше во 10:16 часот со 6,3 степени, што придонесе за материјална штета во Лариса и другите помали градови во околината.