Најмалку едно лице загина, а неколку се повредени откако рекреативен брод се судри со траект со 45 патници во Клирвотер, Флорида, САД.
Според Роб Шо, службеник за односи со јавноста на полицискиот оддел во Клирвотер, чамецот за рекреација го напуштил местото на несреќата, но набрзо бил лоциран од друга агенција за спроведување на законот, изјави полицијата за Си-Ен-Ен .
Полицијата претходно соопшти дека шест лица се здобиле со сериозни повреди, а две лица биле пренесени од местото на настанот со хеликоптер. Шо подоцна потврди дека едно од повредените лица починало како последица на повредите.
Пожарникарите овој настан го прогласија за инцидент со масовни жртви поради значителниот број повредени“, се вели во соопштението на полицијата.
Несреќата се случила околу 20 часот и 40 минути по локално време, кога рекреативен брод удри во траект во близина на мостот Клирвотер Меморијал Каузвеј, соопшти полицијата.
По судирот, траектот се насука на песок јужно од мостот. Полицијата додаде дека сите преостанати патници се успешно евакуирани и згрижени.
⚠️ WARNING: This post contains descriptions of an accident & mass casualty event.
A Mass Casualty Incident was declared in Clearwater, Florida Sunday evening after the Clearwater Ferry was struck by another boat near the Memorial Causeway bridge around 8:40 p.m. The boat that… pic.twitter.com/QUgzSmRpaa
— True Crime Updates (@TrueCrimeUpdat) April 28, 2025