Претседателот на САД, Доналд Трамп реши да се „помири“ со сите државни службеници и им испрати понуди за оставка со рок за изјави.
Според Би-Би-Си, во вторникот, администрацијата на Трамп испратила е-пошта до милиони вработени со барање до 6 февруари да се изјаснат дали сакаат да бидат дел од таканаречената програма за оставки.
Доколку до тој датум се согласат да ги напуштат работните места, вработените ќе добијат отпремнина во опсег од осум месечни плати.
Администрацијата на новиот претседател очекува дека десет отсто од вработените ќе ја прифатат понудата, односно 200.000 од нив од вкупно два милиони вработени во сојузната влада.
Претставниците на Трамп изјавија дека врз основа на оваа одлука ќе заштедат околу 100 милијарди долари.
Одредени вработени не ја добија понудата, вклучително и превозници на пошта, припадници на војската, службеници за имиграција и некои работници кои работат во секторот за национална безбедност.
Трамп постојано вели дека ќе го намали бројот на државни службеници и ќе ги намали федералните трошоци.
Голема улога во тоа ќе има Илон Маск, кој во новата администрација ја доби функцијата шеф на Одделот за владина ефикасност (ДОГЕ).
Според западните медиуми, мејлот што бил испратен до владините службеници е сличен на оној што Маск во 2022 година им го испратил на вработените во Твитер, односно на сегашниот Х.
Тој и преку електронска пошта ги прашал вработените дали сакаат да останат во компанијата.