Илон Маск е само еден од истакнатите американски бизнис лидери што го придружуваат американскиот претседател Доналд Трамп на неговата државна посета на Кина оваа недела. Портпаролката на Белата куќа потврди дека Маск се качил во претседателскиот авион „Ер Форс Уан“, кој полетал за Пекинг, објави Ројтерс.
Најбогатиот човек во светот, кој моментално е во правен спор со шефот на компанијата OpenAI во Калифорнија, е дел од групата директори поканети да му се придружат на Трамп.
На списокот на патници се наоѓаат и Тим Кук, кој официјално ќе се повлече од функцијата извршен директор на „Епл“ во септември, и Јенсен Хуанг, раководител на „Нвидија“, еден од најголемите светски добавувачи на чипови за вештачка интелигенција.
Во придружбата на Трамп се извршниот директор на Боинг, Роберт Ортберг, претседателот и извршен директор на Блекрок, Лари Финк, претседателот и извршен директор на Блекстоун, Стивен Шварцман, претседателот и извршен директор на Каргил, Брајан Сајкс, и претседателката и извршен директор на Сити, Џејн Фрејзер. Делегацијата, исто така, ги вклучува извршниот директор на Кохерент, Џим Андерсон, претседателот и извршен директор на GE Aerospace, Лоренс Калп, претседателот и извршен директор на Голдман Сакс, Дејвид Соломон, извршниот директор на Илумина, Џејкоб Тејсен, извршниот директор на Мастеркард, Мајкл Мибах, претседателката и потпретседателка на Мета, Дина Пауел Мекормик, претседателот и извршен директор на Микрон, Санџај Мехротра, претседателот и извршен директор на Квалком, Кристијано Амон и извршниот директор на Виза, Рајан Мекинерни.
Team CHYYYYYNA 🇨🇳🇺🇸 pic.twitter.com/UxGprTTWMV
— Lara Trump (@LaraLeaTrump) May 12, 2026