Треновски: Македонија е предградие на Европа, уникатна можност за привлекување на странски инвестиции

Универзитетскиот професор Борче Треновски вечерва во емисијата „Бизнис21“ истакна дека Македонија е предградие на Европа, што значи дека имаме уникатна можност за привлекување на странски инвестиции.

„Изминатата година имавме солидни странски директни инвестиции иако половина се сопственички капитал и реинвестирање сепак средствата се тука. Имаме позитивен тренд во оваа геополитичка гужва која се створи, односно од страв за нарушување на синџирите и геополитичката стабилност, сите европски економии кои се во нашиот регион ги носат своите добавувачи и компании околу своето предградие“, вели Треновски.

Како што вели, најголем проблем за странските инвестиции се човечкиот ресурс, како и владеење на правото.