Цена на еден грам злато од 55 до 70 евра, златарите во Скопската чаршија ги чекаат печалбарите

ПОСЛЕДНИ ВЕСТИ

Во пресрет на сезоната на свадби, цената на еден грам злато во скопската чаршија се движи од 55 до 70 евра. Најниска цена на еден комплет е 1000 евра. Вака велат продавачите во златарите кои со години се занимаваат со овој занает. За ТВ21 продавачите велат дека најбарани комплети се ланчиња и алки, а оние кои можат да си дозволат купуваат и други работи. За разлика од пред периодот на Ковид кога светот беше во сосема поинаква состојба, продавачите велат дека грамот злато е зголемен за 15 до 25 евра.

„Зависи има многу, од 55 евра почнуваат до 65 евра, зависи од моделите. Општо кај нас златото кое се продава е четрнаесет карати, има и 22 но само со нарачка. Секоја година златото поскапува. Пред Ковид беше поинаку, беше 45 а сега од 55 до 65 евра е, зависи од моделите и од тоа како се работени. Има рачна изработка и вакви изработки.“
-Какви комплети имате и колку чини најевтиниот комплет?
Од 1500 почнува до 5000. Зависи.
-Кој модел се продава најмногу? Тие од 5000 или од 1500?
Просечно, просечно.

„Цената зависи од изработката. Просечната цена за грам е 60 евра, можеби има и по 55 но има и 65. Моментално толку е. Видете, кај нас се знае дека и со закон е 585, четрнаесет карати. Од моделите кои се најмногу барани, првично се бурмите, прстените и потоа зависи, некој зема комплет ланче со алки и според можностите, кој има повеќе додава уште некој ќустек или плус алка.
-Кој е најефтиниот комплет кој го имате? И до колку се движат цените?
Комплетите почнуваат од илјада евра најтенките, просечно се 1800 но има и по 3000.

„Од пред Ковид има многу промени. Пред Ковид грамот беше од 40 до 50 евра. Сега е од 55 до 70 евра. Вообичаено во текот на сезоната на свадбите, комплетите почнуваат од 1000 евра најефтините, па нагоре.
-Кој е најскапиот комплет?
Зависи, некој нарачува зависно од буџетот на муштеријата.
Што се продаваат најмногу, најскапите или најефтините?
Просечните.

За продавачите на злато, доаѓањето на печалбарите е многу важно. Велат дека во тој период им се зголемува продажбата.


Сега се дојдени и печалбарите, дали се чувствува нивното доаѓање?
„Секако, многу. И во движењето и наутро кога доаѓаме на работа, Скопје е поживо. Кога доаѓат печалбарите и ние сме по „ХЕПИ„ бидејќи има позитивна атмосфера, седнуваш на кафе има, на слаткарница има, кај златарите има, и бутиците повеќе работат. Мислам дека овој месец е добро.“

„Да, уште ги чекаме, моментално не е така но верувам дека ќе почнат. Овој месец и следниот се знае дека е сезона, така да ги чекаме, добредојдени се.“

„Вообичаено има. Има поголем интерес бидејќи сега почнуваат свадбите. Вообичаено кога доаѓаат печалбарите се и свадбите.“

Сепак поради високите температури Скопката стара Чаршија не е преполна во текот на денот. Работниците на златарите кои ги посетивме велат дека Чаршија е празна и немаат доволно клиенти.