Цените на становите во Скопје продолжија да растат и во вториот квартал од 2026 година, покажуваат податоците на Народната банка. Индексот на цените на становите, кој се базира на огласените продажни цени, а не на реализираните трансакции, забележал квартален раст од 5,5%.
На годишно ниво, цените на недвижностите се зголемени за 13,3%, но од Народната банка посочуваат дека растот покажува знаци на забавување. Во претходниот квартал годишната стапка на раст изнесуваше 16,6%.
Овој индекс се смета за еден од главните показатели за движењата на пазарот на станови во главниот град, бидејќи ги одразува трендовите на огласените цени на пазарот, но не и нужно конечните цени по кои се реализираат трансакциите.