Европскиот суд за човекови права во Стразбур денеска донесе одлука за случајот Џалали против Србија, државата Србија да му исплати на оштетениот турски државјанин 8.620 евра надомест за материјална штета и судски трошоци.
Апликантот, турскиот државјанин Мехмет Али Јајали, кој живее во Холандија, ја тужел Србија за одземање на личен и легално стекнат накит на неговата сопруга, кој не бил пријавен на српските царински органи при минување низ Србија, за што морал да плати казна.
Џалали во претставката навел дека конфискацијата е крајно непропорционална и неоправдана мерка, а судот утврдил дека станува збор за повреда на член 1 од Протокол бр. 1 (заштита на имот) од Европската конвенција, беше објавено во Стразбур.
Правичната отштета што Србија треба да му ја плати на барателот за материјална штета изнесува 7.620 евра и уште 1.000 евра за други трошоци, соопшти Судот.