Во училиштето во селото Ѓурѓевиште, општина Врапчиште настава следат педесетина ученици. Но, родителите бараат подобрување на условите, бидејќи училишниот објект е во лоша состојба. Кровот е направен од азбест, а при секои врнежи од дожд или снег училниците прокиснуваат.
„Секогаш велев дека кровот мора да се замени бидејќи е канцероген, плочките горе се канцерогени. Периодов кога врне дожд или паѓа снег имаме голем проблем, бидејќи испуштаат канцерогена течност“.
„Ако ме прашате мене уште денеска би го затворел училиштето и нема да дозволам да одат децата. Нека дојде градоначалникот, директорот, инспекторот, кој сака нека дојде. Ако треба и во затвор ќе одам, но моите деца не ги пуштам на училиште“.
„Бараме од Просветниот инспекторат да дојде и да види. Ако го дозволуваат ова, тогаш децата нека продолжат да одат на училиште, но ако не дозволуваат, тогаш школото нека се затвори“.
Го посетивме и централното училиште „Наим Фрашери“, но не успеавме да добиеме став од директорот околу уловите во училиштето и поплаките на локалните мештани во с.Ѓурѓевиште за лошата состојба на училишниот објект.