Русија започна масовен напад врз енергетската инфраструктура на Украина во раните утрински часови, предизвикувајќи итни прекини на електричната енергија во повеќето региони, објави државниот оператор Укренерго, потврдувајќи дека нападите се во тек.
Тие беа регистрирани низ целата земја, вклучително и во западна Украина. Украинските воздухопловни сили пријавија активност на беспилотни летала во регионот Лавов, во близина на градот Ходирив, околу 5:30 часот по локално време, објави Киев Индепендент.
Кратко потоа, експлозии се слушнаа во Бурштин, регионот Ивано-Франкивск, објави Суспилне, повикувајќи се на локални дописници.
Гувернерот на регионот Лавов, Максим Козицки, предупреди на нова закана за регионот откако ракети беа забележани во близина на соседниот регион Тернопол. Воздухопловните сили, исто така, пријавија ракети насочени кон регионите Лавов и Ивано-Франкивск.
Итни прекини на електричната енергија се воведени во регионите Киев, Одеса и Дњепропетровск поради нападите, соопшти енергетската компанија ДТЕК.
Western Ukraine's energy infrastructure is once again under attack by drones and missiles. A record number of strikes! Emergency power outages are occurring across Ukraine.
— Victor vicktop55 commentary (@vick55top) February 7, 2026
All power schedules have been completely cancelled, and the power grid is experiencing not just outages,… pic.twitter.com/gbltaKdqsw