Во првите шест месеци од годината, Унгарија позајмила една милијарда евра од кинески банки за да се справи со тешката финансиска ситуација со која се соочува како членка на Европската Унија.
Информациите за заемот не беа директно објавени од владата, туку беа откриени од порталот Портофолио преку јавни податоци. Заемот е со променлива каматна стапка и тригодишен рок на отплата, објавено е на веб-страницата на Агенцијата за управување со државниот долг на Унгарија.
Средствата од заемот се наменети за финансирање на проекти во инфраструктурата и енергетиката, како и други развојни проекти во Унгарија. Оваа финансиска инјекција следува откако владата на Унгарија најави одложување на значителен обем на јавни инвестиции поради слабиот економски раст и замрзнување на средства од ЕУ поради прашања поврзани со владеењето на правото.
Оваа финансиска стратегија го потврдува потегот на Унгарија кон диверзификација на своите извори на финансирање надвор од традиционалните европски канали.