Во руските напади врз регионот Дњепропетровск синоќа загинаа осум лица, а единаесет беа повредени. Руските сили нападнаа три области речиси 30 пати во текот на вчерашниот ден, пишува „Украинска правда“.
Во Криви Рог загинаа две лица, 65-годишна жена и 43-годишен маж, додека четири лица се повредени, меѓу кои и деветмесечно бебе. Тројца од повредените лица се хоспитализирани, од кои 50-годишен маж е во критична состојба.
Во округот Синелниково, во селото Дубовики, четири лица беа убиени, а тројца беа ранети. Во селото Николаевка, две лица ги загубија животите.
Никополскиот регион исто така беше цел на напади. „Градот Никопол, како и селата Марханец, Мирове, Покровске и Червонохрихоровка во Никополскиот регион, беа нападнати. Инфраструктурни објекти, куќи и автомобили беа оштетени. Три лица беа повредени. Едно 16-годишно момче беше хоспитализирано. Уште едно 16-годишно момче и еден 21-годишен маж се на амбулантско лекување“, изјави Олександр Ханжа, началник на Воената администрација на Дњепропетровск.