Ветено е дека музејот на ОНА ќе се гради во Арачиново – Ибрахими: Се уште не е избрана локацијата

Според истражувањето на организацијата ИДЕА, општина Арачиново реализирала 15,15 % од дадените ветувања. А за 66,67% се уште не ги започнала работите. Едно од неисполнетите ветувања е изградбата на Музејот на ОНА во Арачиново. Жител на ова место вели дека на Арачиново и е потребен музеј, бидејќи паднатите војници тоа го заслужуваат.

„Арачиново заслужува малку поголемо внимание од Владата. Кога започна војната овде, ние ја добивме војната, овде војната беше запечатена. Интелектуалците од Кичево, Гостивар, Струга ја нацртаа војната каде ќе се одвива. Па мудро рекоа зошто да го запалиме Кичево,  ќе го запалиме Арачиново или Слупчане. Војната се водеше и ја добивме војната, целиот буџет го испратија во Кичево, Гостивар, Тетово, а што остана за Арачиново?! Сега само на 24 јуни доаѓаат да ги посетат паднатите борци. Кога би им дал Господ на паднатите борци да зборуваат, ќе ви кажат дека нема да ве пуштат живи, имаме потреба и за музеј“, вели Насер Јусуфи.

Се уште не е избрана локацијата каде ќе се гради музејот, изјави градоначалникот на општина Арачиново за ТВ21, но рече дека има неколку места, од кои две се гробиштата на паднатите борци и објектот на поранешна општина.

„Сè додека не е избрана локацијата кој што ми е приоритет, потоа постојат различни форми на тоа како. Тоа е едно од тие ветувања што ги дадов, на Арачиново и припаѓа на музејот на ОНА, Арачиново има историја за големиот придонес што го даде за време на војната“, вели Ридван Ибрахими.

Освен тоа, жителите велат дека на Арачиново и треба повеќе инвестиции во културата и спортот. Како и за основни работи како канализација и вода.