Премиерот на Бугарија, Бојко Борисов објави видео на својот профил на „Фејсбук“ на кое се гледа како слуша македонска песна додека управува со автомобилот, а пред него има полициска придружба. Дури и му објасни на лицето кое беше до него дека тоа е македонска песна направена против коронавирусот.
„Само со сопствени сили, дух и дисциплина ќе го пребродиме коронавирусот. Благодарност до сите бугарски граѓани кои ги почитуваат правилата. Само така ќе се вратиме на нормалниот живот. Благодарност до Александар Митевски и Драган Спасов – Дац. Северна Македонија може да смета на нашата поддршка“, напиша Борисов.
Станува збор за песната на Александар Митевски и Драган Спасов – Дац „Корона Чао“.
Погледнете го видеото: