Пожар избувна во сабота наутро во фабрика за производство на хемиски производи за базени во Барселона. Фабриката има складирано околу 70 тони хлод, а поради пожарот околу 150.000 жители на пет каталонски општини останаа дома, и им се препорача да не излегуваат од своите домови.
Цивилната заштита на Каталонија испрати пораки до мобилните телефони на жителите на населбите Виланова и ла Гелтру, Сант Пере де Рубес и Кубелес, Кунит и Калафел, како и оние во областа Рокетес, и побараа од нив да ги затворат прозорците и вратите, да не излегуваат на улица и да не користат клима уреди.
Во овие општини се откажани сите настани на отворено. Исто така ќе нема ниту спортски активности.
Пожарот избувнал околу 2:20 часот во магацинот на „Клим Вотерпул“, компанија која работи со производи за одржување базени.
На местото на пожарот работат околу 60 пожарникари и група специјализирана за технолошки ризици. Не се пријавени повредени.
🔥 Incendi a nau #Vng
— Policia Local Vilanova i la Geltrú ◼ ◼ ◼ ◼ (@PLVNG) May 10, 2025
⚠️ L’empresa, dedicada al manteniment de piscines, conté clor i s’ha creat un núvol que resulta perillós per a la seguretat de les persones.
‼️ S’informa que es CONFINA la població
⛔️ Eviteu apropar-se al lloc
ℹ️ Tanqueu finestres i portes pic.twitter.com/UKJdDYtaVK