Пратеникот на парламентот на Абхазија, Вахтанг Голанџија, ранет за време на пукањето во парламентот на Абхазија, им подлегнал на повредите, соопшти прес-службата на Министерство за здравство.
На вториот пратеник во кого е пукано, му е укажана лекарска помош. Тој бил ранет во раката.
Претходно извор од Обвинителството во Абхазија јави дека имало пукање во зградата на парлаемнтот и дека двајца пратеници се ранети.
Засега не е познато дали некој е приведен, како и мотивот на пукањето.
Претходно, Парламентот на Абхазија ја прифати оставката на претседателот Аслан Бжанија, која тој претходно ја поднесе, под услов претставниците на власта и опозицијата да се договорат за оставка на претседателот на Абхазија и прекин на антивладините протести.
Гласањето беше тајно. Одлуката ја поддржаа 28 пратеници, еден беше против, а две ливчиња беа прогласени за неважечки.
Абхазија е регион во Грузија, и де факто независна држава. Независноста е признаена од Русија, Венецуела, Никарагва, Науру и Сирија, а меѓународно призната како дел од Грузија. Голем дел од населението има руско државјанство.
According to local sources, there was a shooting today in the parliament of #Abkhazia, a region of #Georgia under #Russian military occupation since 2008, when #Moscow invaded the country. The motive appears to have been the vote on a controversial law aimed at making it easier… pic.twitter.com/mKFtuXw68E
— K13 News (@K13News) December 19, 2024