Авион за итна медицинска помош со шест лица, меѓу кои и едно дете, се урна во близина на трговски центар во Филаделфија, Пенсилванија. Нема извештаи за преживеани.
Во авионот имало четворица членови на екипажот, едно дете кое се превезувало и уште едно лице кое го придружувало детето, пренесува Ројтерс.
„Во овој момент не можеме да потврдиме дека има преживеани“, се вели во соопштението на компанијата за брза помош.Претседателот Доналд Трамп на социјалните мрежи напиша дека е „толку тажно да се види авионска несреќа во Филаделфија… „Повеќе невини животи се изгубени“, коментираше и американскиот претседател.
JUST IN: New footage shows the moment a private jet crashed in Northeast Philadelphia.
— Collin Rugg (@CollinRugg) February 1, 2025
The Learjet 55 reportedly departed from Northeast Philadelphia Airport shortly before it crashed.
According to police, the plane was on a "medical assignment" and was headed to… pic.twitter.com/qv932zPze1
Локалните медиуми јавија дека инцидентот се случил во близина на трговскиот центар Рузвелт во североисточна Филаделфија и дека има повеќе повредени. Видео емитувано на локалните телевизиски станици покажа дека авионот вртоглаво паѓа пред да удри во земјата и да експлодира во огромна огнена топка. Градоначалничката на Филаделфија Шерил Паркер на прес-конференција на местото на настанот изјави дека неколку куќи и автомобили биле зафатени во пламен.
Се уште не е јасно што го предизвикало инцидентот. Во моментот на падот на авионот времето во државата било врнежливо, а видливоста намалена.
A medical transport jet with a child patient and five others aboard crashed into a Philadelphia neighborhood shortly after takeoff Friday evening, exploding in a fireball and setting several homes ablaze. pic.twitter.com/AHQHC5N1oP
— The Associated Press (@AP) February 1, 2025