Прославите и немирите што следеа по победата на ПСЖ во финалето на Лигата на шампионите одзедоа два живота, а 192 лица беа повредени. Француската полиција соопшти во недела наутро дека во врска со немирите се уапсени 426 лица, јавуваат француските медиуми.
Во Дакс, 17-годишен тинејџер почина откако беше избоден во градите. Осомничениот е во бегство.
Во Париз, 20-годишна девојка, која се возела на скутер, исто така го загуби животот откако била удрена од возило.
Прославата на победата на ПСЖ беше обележана со бројни инциденти на неколку локации во градот, вклучувајќи ги Шанзелизе, париската обиколница и квартот Порт де Сен-Клу, објави францускиот BFM.
Според париската полиција, многу од уапсените поседувале пиротехнички средства и запаливи материјали. На некои места избувнаа судири со полицијата, а беа употребени и водни топови и солзавец.
🚨🇫🇷FLASH – Un homme s’est fait voler sa moto par des “supporters” sur le périphérique à #Paris. (Témoins) pic.twitter.com/LSrnbI9Vlw
— Actu React Info (@actureact_info) June 1, 2025
На плоштадот Етоал, демонстрантите го пробија полицискиот кордон, а на Шанзелизе беше запален автомобил, а продавница за чевли беше ограбена. Во Порт де Сен-Клу беа запалени два автомобила, а автобуска станица беше вандализирана, а полицијата интервенираше со солзавец.
Министерот за внатрешни работи Бруно Рејтојо остро го осуди насилството.
„Вистинските навивачи слават, додека варварите го уништуваат градот и ја провоцираат полицијата“, рече тој за мрежата X.
Илјадници навивачи учествуваа во прославата, а Ајфеловата кула беше осветлена во боите на клубот. И покрај инцидентите, атмосферата на многу места остана празнична.
Question: Pensez-vous que ces deux jeunes seraient capables de citer les noms de cinq joueurs du Paris Saint-Germain ? pic.twitter.com/4A9SUNpHTu
— Cpasdeslol (@cpasdeslol_X) June 1, 2025