Вишиот суд во Нови Сад денеска го врати обвинението што беше покренато против 13 лица за падот на настрешницата на Железничката станица во тој град на 1 ноември минатата година.
Не-судечкиот совет донесе одлука дека е потребно подобро разјаснување на работата за да се испита основаноста на обвинението, изјави Сања Ќетојевиќ, портпарол на Вишиот суд во тој град.
Судот му наложи на Вишото јавно обвинителство во тој град да донесе наредба за дополнување на истрагата со наредби во врска со околностите кои бараат дополнително разјаснување во рок од три дена од добивањето на копијата од одлуката.