Едно лице го загуби животот, а три се повредени во инцидентот што се случи околу 18:00 часот во заливот Траште, на карпите меѓу заливот Пржна и Марина во близина на туристичкото место залив Луштица во Кртоли кај Тиват.
Според неофицијални информации, едно младо лице се удавило во брановите подигнати од силен јужен, а три лица се повредени најверојатно затоа што брановите ги фрлиле на карпите на брегот, пренесува vijesti.me.
Помош за повредените пружила екипа на Службата за вонредни ситуации од комплексот Луштица Беј, која и покрај многу тешките услови на море, успеала да го извади телото на удавениот.
За инцидентот била информирана и Управата за поморска безбедност и управување со пристаништа на Црна Гора, која ги координирала напорите на спасувачките служби.
Пронајдено уште едно безживотно тело
Околу 19 часот и 15 минути, УПСУЛ доби и дојава дека во морето кај Перазиќ дол е забележано уште едно безживотно тело. Екипата на УПСУЛ излегла на посочената локација за да го извади телото на удавениот.
Во акцијата за вадење на телото, кое било пренесено во пристаништето на заливот Луштица, каде било предадено на полицијата и медицинските лица кои можеле само да констатираат смрт, покрај пловилото на Итната служба на заливот Луштица, учествувал и глисер со екипаж на компанијата „Уна“ од Тиват.
Инаку, УПСУЛ денеска имаше пет акции за спасување на капачите на плажата Велика во Улцињ, чии животи беа загрозени поради невнимание и непочитување на црвените знамиња кои беа истакнати на плажите за капачите поради опасноста предизвикана од големите бранови и силниот јужен ветер.