Мобилната единица за безбедност во сообраќајот при Министерството за внатрешни работи вчера спроведе засилена акциска контрола во областа на сообраќајот на територијата на Тетово и Гостивар, при што се санкционирани 203 возачи.
Како што информира МВР, од изречените санкции 113 се во Тетово, меѓу кои 10 за нерегистрирани возила и шест за возење без возачка дозвола. Во Гостивар се изречени 90 санкции од кои 16 за нерегистрирани возила, а 12 за возење без возачка дозвола.
Од МВР најавуваат дека и во наредните денови ќе продолжат засилените сообраќајни контроли и апелираат граѓаните да ги почитуваат сообраќајните правила и прописи за да се зголеми безбедноста во сообраќајот.