Главниот град на Јужна Кореја Сеул, во средата беше прекриен со најтешките ноемвриски снежни врнежи, со лошите временски услови кои го блокираа сообраќајот, ја прекинаа струјата и беа приземјени стотици летови додека властите се подготвуваа за повеќе снег во наредните денови.
Најмалку две лица загинаа во сообраќајни несреќи на автопатите источно од главниот град, а делови од згради и градилишта кои паднаа поради силните ветрови повредија некои пешаци во Сеул, јавуваат медиумите.
Постудениот воздух кој доаѓаше од северозапад го претвори дождот во снег во текот на ноќта, оставајќи 18 сантиметри на земјата до 15 часот, што ги означува најсилните снежни врнежи од 1907 година.
МВР предупреди дека снег ја зголемува опасноста од оштетување на објекти и имот поради високата концентрација на влага.
Повеќе од 200 летови беа откажани или одложени, повеќето од нив домашни, бидејќи аеродромите низ земјата доживеаја тешки временски услови со силни ветрови, а најмалку 70 фериботи до островите беа „заглавени“.
Снемало струја за илјадници домаќинства во неколку области на Сеул и централниот регион бидејќи електричните водови биле оштетени од паѓање дрвја и причини поврзани со снегот, според извештаите на вестите.