Српскиот претседател Александар Вучиќ, денеска го искажа својот став по најновата одлука ЕУ да не им даде датум за почеток на преговорите на Македонија и на Албанија.
Тој рече дека одлуката не е фер, и жали за истата.
„Не е фер кон Тирана и кон Скопје како и граѓаните и луѓето што ги водат тие две земји. Тие ќе имаат искрен пријател во Србија, и ќе ја подобриме соработката со нив, и сакам да објавам дека имаме важна видеоконференција на 29 јуни“, рече Вучиќ.
Вчера одлуката на ЕУ ја коментираше и српската премиерка Ана Брнабиќ која кажа дека е загрижена од одлуката на една земја да го блокира соседот кон ЕУ интеграциите, и дека тоа секој може да го користи тоа во идните ЕУ интеграции.