Црногорската полиција соопшти дека за време на изминатиот викенд на граничните премини бил регистриран рекорден меѓународен патнички сообраќај, при што во земјата влегле повеќе лица отколку што Црна Гора има жители.
Во периодот од 31 јули до 2 август 2026 година, преку граничните премини биле евидентирани 632.766 патници и 146.147 моторни возила.
Најголема фреквенција е забележана на граничните премини Добраково со 80.694 патници, Дебели Бријег со 78.800, Сукобин/Муриќани со 72.937, Драченовац со 67.155 и Божај со 44.283 преминувања.
Голем број патници биле регистрирани и на аеродромите и пристаништето. На аеродромот во Подгорица биле евидентирани 35.823, на аеродромот во Тиват 32.532, додека преку пристаништето во Котор поминале 31.064 патници.
Според последниот попис на населението од декември 2023 година, објавен од Управата за статистика на Црна Гора, земјата има 623.633 жители. Тоа значи дека само за еден викенд преку нејзините граници поминале повеќе луѓе отколку што изнесува вкупниот број жители, што уште еднаш ја потврдува исклучително успешната туристичка сезона и огромниот прилив на посетители.
🚔 Tokom proteklog vikenda zabilježen je izuzetno intenzivan promet međunarodnog putničkog saobraćaja na graničnim prelazima u Crnoj Gori na ulazu iz 🇪🇺 u🇲🇪.
— Uprava policije Crne Gore (@PolicijaCG) August 3, 2026
📅 U periodu od 31.7. do 2.8. 2026. godine, na GP u 🇲🇪 evidentirano je:
👥 632.766 putnika
🚗 146.147 motornih vozila ⤵️