Независниот синдикат на здравствените работници, пред неколку здравствени домови и амбуланти во земјава, изрази незадоволство од нивните плати. Тие бараат зголемување од 30% за лекарите и медицинскиот персонал, администрацијата и техничкиот персонал. Се бара и зголемување на надоместоците за инфекција од 1 на 4 отсто, усогласување на статусот на привремено вработените и нивниот работен однос на неопределено време, повторно разгледување или нов колективен договор и средба со министерот за здравство.
Боби Бојчевски, координатор на независниот синдикат, вели дека на 24 ноември ќе протестираат пред Министерството за здравство, а доколку не се постигне договор, посочи дека ќе маршираат кон Владата.
Освен тоа, медицинската сестра Илијана Донова се пожали дека не им е платено здравственото осигурување ниту пензиското ниту пак имаат право на одмор.
Кристина Олевска од “8 Септември“ истакна дека во оваа болница нема притисоци од никого да не излезат на протест, но потврди дека гледано во целост, има притисоци.
Дали ќе одржи средба со здравствените работници, министерот за здравство Фатмир Меџити изјави дека одржуваат редовни состаноци и дека ќе се обиде здравствените работници да добијат плати какви што заслужуваат.
Независниот синдикат веќе подолго време го крева гласот за платите и условите за работа, но нивните барања не наидоа на слух.