Зеленски: Бевме излажани дека ќе влеземе во НАТО, тоа беше нечесно

Американскиот претседател Доналд Трамп би можел да влијае дали Украина ќе влезе во НАТО, бидејќи само четири земји-членки на Алијансата се противат на тоа, изјави претседателот Володимир Зеленски, пренесува РБЦ Украина.

Според претседателот на Украина, некои земји првично воделе неефикасни политики кон Украина и не го поддржале нејзиното членство во НАТО.

„Тоа беа едноставно лажни зборови дека Украина ќе влезе во НАТО бидејќи поминаа децении, а Украина никогаш не стана членка на НАТО. Тоа беше нечесно“, рече Зеленски.

„Мислам дека позицијата на Германија и САД беше слаба затоа што преговараа со Русите и мислам дека загубија во тој дијалог“, рече Зеленски, додавајќи:

„Тие изгубија затоа што секогаш се повикуваат на фактот дека едно време имало некакви договори со Русите. Имам прашање како Украинец: зошто одеднаш, без нас, склучија договор за нас? Ние сме независна земја. Зошто се вративте во деведесеттите, почетокот на 2000-тите и подоцна, зошто постојано преговаравте без Украина, какви безбедносни гаранции ќе имаме?“, рече Зеленски.