Враќајќи се на темата за Г7, украинскиот претседател Володимир Зеленски преку социјалните мрежи ја поздрави успешната дискусија меѓу Г7 и Украина во Франција, заблагодарувајќи им се на останатите лидери за времето што го одвоиле утрово и за, како што наведе, „силните идеи како Русија да се принуди на мир“.
„Приоритетите се јасни: повеќе ракети за противвоздушна одбрана, заедно со лиценци за нивно производство, пакет за поддршка во текот на зимата и засилување на притисокот врз Русија. Важно е што САД се подготвени да обезбедат поддршка во сите овие насоки. Клучно е сè што беше договорено да биде спроведено. Русија мора да сфати дека нејзината војна никогаш нема да биде прифатена како нормална состојба. Им благодарам на сите што помагаат“, изјави Зеленски.