Украинскиот претседател Володимир Зеленски денес изјави дека Русите не постигнале значаен напредок на фронтот и дека се обидуваат да го надоместат тоа со воени информативни операции.
„Тие не напредуваат. Многу е тешко за нашите момци таму. И е тешко насекаде. И е многу тешко за Русите – тоа е добро за нас. И Русите не сакаат да се борат. Освен за нивното раководство. И сето ова се чувствува. Има повеќе од нив. Повеќе притисок. Повеќе мобилизација. Затоа, имаме повеќе ризици. Тие навистина се обидуваат да направат пробив. Немаат сериозни пробиви“, рече Зеленски во обраќањето до новинарите, како што објави денес Укринформ.
Тој рече дека руската армија, во воените информативни операции, снима видеа на кои може да се види група војници како влегуваат во дел од украинската територија, каде што го поставуваат руското знаме, иако не остануваат долго на таа позиција.
НАЈНОВИ ВЕСТИ
