Живот на брачна двојка во болест и сиромаштија, никогаш не успеаја да се израдуваат на свој пород

ПОСЛЕДНИ ВЕСТИ

Немаат ништо друго освен еден со друг. Реџеп и Ќефсере живеат сами. Никогаш не успеле да се израдуваат на свој пород. Живеат во населбата Серава, во две мали соби и импровизирана бања. Ќефсере секогаш кога раскажува за тешкиот живот , не може да ги задржи солзите…

-Што да кажам… Во текот на летото водата влегува во куќата, а преку зима е многу ладно. Фала му на Господ имаме дрва, но немам каде да спијам како човек. Многу тежок е мојот живот. Јас болна, сопругот болен….-рече Ќефсере Абдиовска.

Десната рака на Ќефсере е парализирана, а не може ниту да се движи долго бидејќи има проблем и со нозете. За неа се грижи нејзиниот сопруг, Реџеп, кој пак има проблеми со ‘рбетниот столб.

Реџеп и Ќефсере ја користат оваа импровизирана бања, ова е кујната, а спијат во друга соба.

Семејството зема социјална помош, а нивната единствена желба е да имаат сигурен кров над глава, за да можат, како што велат, остатокот од животот да го поминат во мир и без грижи.

Тел.број на семејството:
078-596-377