Изложба на фотографии посветени на албанската хуманистка Мајка Тереза по повод 112-годишнината од нејзиното раѓање и 25-годишнината од нејзината смрт. „До последниот здив во срцето го имам мојот албански народ. Оваа реченица на Мајка Тереза ја цитираше директорот на ИКДНА, Скендер Асани.
-Таа е родена Албанка и починала како Албанка. Но, Гонџе е од Скопје, наша ќерка Албанка е. Мајка Тереза е на светот, а ние не се осмелуваме да ја направиме мала, да ја присвоиме или ограничиме Мајка Тереза, вели Скендер Асани, директор на ИКДНА.
Првиот вицепремиер Артан Груби изрази задоволство што институционално се одбележува годишнината од раѓањето на Мајка Тереза.
-По неколкугодишен отпор за зачувување на ликот на Мајка Тереза, го одбележуваме и нејзиниот роденден и годишнината од нејзиното заминување и годишнината од нејзиното прогласување за светица, на најинституционален можен начин во Владата на РМ со владина поддршка и институции како што е Институтот за духовно и културно наследство на Албанците, вели првиот вицепремиер Артан Груби.
Инаку, денеска се навршуваат 25 години од смртта на албанската хуманистка, светата Мајка Тереза, добитничка на Нобеловата награда за мир. Таа почина на 5 септември 1997 година во Калкута, Индија.
Пред 6 години, во 2016 година, папата Фрациск, читајќи ја светата формула во името на Бога, ја прогласи Мајка Тереза за светица нарекувајќи ја Света Тереза.