Управувањето со холестеролот е суштински дел од одржувањето на целокупното здравје, особено за оние кои имаат проблеми со него. Затоа нутриционистот Никита Капур откри за Fox News кои пет едноставни и здрави промени во исхраната можат да помогнат во управувањето со нивото на холестерол во крвта.
Имено, високиот холестерол може да доведе до развој на кардио-метаболички фактори на ризик како што се срцеви заболувања, дијабетес и атеросклероза (натрупаност на наслаги во и на ѕидовите на артериите). Зголемените нивоа на LDL или лошиот холестерол може да го изложат телото на ризик од компликации, кои често се генетски, но може да зависат и од исхраната и целокупниот начин на живот.
Омега-3 масните киселини и здравите масти кои се наоѓаат во рибата, семките и маслата се добри за намалување на холестеролот, а има уште пет промени што можете да ги направите денес.
Заменете ги зашеќерените житарки со алтернатива богата со влакна
Наместо да посегнувате по шарени житарки полни со шеќер, пробајте алтернативи за појадок, кои содржат повеќе влакна и помалку шеќер.
„Овесот е богат со бета-глукан и влакна, што може да биде корисно за намалување на холестеролот“, вели Капур, истакнувајќи дека овесната каша е одлична замена за популарните утрински житарки, како и никнатиот овес леб, кој е богат со влакна.
Белиот ориз заменете го со кафеав ориз
Оние кои јадат бел ориз треба да се префрлат на кафеав или алтернативи кои имаат поголема хранлива вредност, како што се фаро, јачмен или киноа.
„Деновиве имаме многу опции богати со растителни влакна. Заменете ги тортиљите од бело брашно за тортиљи од пченкарно брашно или едноставно оставете ги лушпите на компирите, што додава повеќе влакна во оброкот. Тестенини од леќа и интегрални житарки имаат повеќе протеини, “ додаде Капур.
Вклучете барем еден растителен оброк дневно
Растителна исхрана е нов тренд, што е позитивно за оние кои сакаат да внимаваат на исхраната. Производите од грав и тофу треба да бидат во фокусот на потрошувачите, вели Капур, кој советува да се јаде еден растителен оброк дневно за да се намали холестеролот.
„Сè уште можете да јадете животински протеини, но оставете простор за хранливи материи од растително потекло“, вели тој.
Пробајте ги семките ако не сакате риба
Иако рибата е богата со омега-3 масни киселини, што е одлично за управување со холестеролот, не секој ја сака. Затоа Капур предлага рибата да се замени со различни јаткасти плодови и семиња како што се лен, чиа, коноп, сусам, сончоглед и семки од тиква, како и бадеми и ореви. А за оние кои не сакаат да трошат цело богатство на риба, тој ги советува сардините и скушата, кои се подостапни и достапни во повеќето продавници.
Заменете го обичниот путер од кикирики со несолен путер од јаткасти плодови без додаден шеќер
Добро би било путерот од кикирики да се замени со секаков вид путер од јаткасти плодови – од кикирики, бадеми, сончоглед и други, или несолен путер од јаткасти плодови без додаден шеќер.
„Одржувањето урамнотежена исхрана е клучно, а премногу од ништо не е добро за нашето целокупно здравје“, нагласи Капур.