Околу 50 организации за верска слобода и човекови права ширум светот побараа од бугарскиот премиер Кирил Петков да се извини за протерувањето на 98 отсто од македонската еврејска заедница од тогашното Кралство Бугарија.
Поранешниот почесен конзул на Израел Виктор Мизрахи изјави дека нема причина Бугарите да се поклонуваат пред спомениците на оние кои ги испратија Евреите во овој логор, но очекува Бугарија да го прифати ова како и многу други земји.
„Не очекуваме ништо, мртвите не можат да се вратат, освен да се покаже почит кон оние кои беа испратени во логорот на смртта Треблинка, но со жалење можам да кажам дека во демократска Бугарија сè уште нема подготвеност за тоа, не зборувам за бугарскиот народ но за тогашната бугарска влада. Тоа е причината демократска Бугарија да се поклонува пред спомениците, пред пепелта на тие што ги испратија во Треблинка“, истакна Виктор Мизрахи.
Виктор Мизрахи раскажа дека секоја година се сеќава на овој датум бидејќи за време на оваа трагедија изгубил 84 членови од своето семејство додека неговиот татко преживеал. Според него, на овој ден животот го загубиле припадници на оваа држава кои биле достојни за почит.
„Мене лично не ми се допаѓа овој збор толеранција. Што е толеранција? Толеранција значи да се толерира, морам да бидам трпелив, додека не бидеме трпеливи додека не го совладаме, подобро е да се користи зборот почит затоа што нашите родители и баби и дедовци знаеле за почит, ние исто така мора да научиме да не ги правиме грешките што ги направи мрачниот човечки ум“, додаде Виктор Мизрахи.
Инаку 79-годишнината од насилното и организирано депортирање на Евреите во логорот на смртта во Треблинка денеска беше одбележана во присуство на претставници на амбасадите, партиски лидери и многу други функционери кои положија цвеќе во нивна чест.