Лидерот на ДУИ, Али Ахмети објави 5 главни завети до кои ќе треба да се придржуваат кандидатите за градоначалници со цел подобрување на квалитетот на животот. Фокусот најпрво беше на зелената агенда.
„Што подразбира инвестиција во ефективно менаџирање со отпадот, довршување на канализационите мрежи и чиста вода за пиење, гасификација, патеки за трчање и велосипедски патеки, паркинзи, олеснет сообраќај, повеќе зеленило, повеќе паркови“, вели Ахмети.
Вториот завет е Дигитална агенда што подразбира дигитализација на администрацијата, училиштата, брз и квалитетен интернет, рече Ахмети. Третиот е Агенда на отворена врата што значи дека вратите на институциите не смета да бидат затворени за проблемите на граѓаните. Четвртиот е Агенда за вклучување на граѓаните во носењето одлуки. Петтиот завет на Ахмети се однесува на Агендата Нула.
„Четвртата новост на овие избори е политиката НУЛА што подразбира нула отпад, нула злоупотреба, нула лошо менаџирање, нула корупција, нула кучиња скитници, нула недостиг од паркинг, нула дивоградби, нула граѓани кои се запоставени“, изјави Ахмети.
Ахмети вети дека овие 5 завети не се предизборно ветување, туку нов задолжителен код на однесување за квалитетен живот за сите граѓани.
Ахмети ги задолжи кандидатите со 5 завети: Нула злоупотреба, нула лошо менаџирање, нула корупција!
НАЈНОВИ ВЕСТИ
