Пратениците од коалицијата Алијансата за Албанците и Алтернатива нема да учествуваат на гласањето на Талат Џафери за претседател на Собранието. Ова го изјави од собраниската говорница Скендер Реџепи.
„Поради неусполнетите ветувања од страна на ДУИ, ние нема да учествуваме во гласањето на претседателот на Собранието, односно ќе се повлечеме“, рече Реџепи.
На ова реплицираше Изет Меџити од ДУИ.
„Не може ДУИ да ви биде виновен за се и него да го обвинувате. Онаму каде што добивте повеќе гласови од ДУИ, славевте, а онаму каде што победи ДУИ, не обвинувавте дека сме украле гласови“, рече Меџити.