Аналитичарите во „Клик Плус“ зборуваа за последните реформи во ДУИ. Сефер Таири и Сефер Селими истакнаа дека промените не се спектакуларни, но се неопходни за подготовка на партијата за идните предизвици.
„Она што се случи на конгресот на ДУИ беше очекувано. Нема спектакуларни промени, нема радикални промени, нема реформи за кои може да се каже дека се реалност, односно нешто ретко на политичката сцена. Тоа се неопходни реформи кои самата партија ги спроведе. Јас тврдам дека ова најмногу е инсистирање на претседателот Али Ахмети, и поради неговата позиција, не само фактичка, туку и статутарна.“, изјави Таири.
Според Сефер Селими, реформите што ги направи Али Ахмети се голем чекор преку кој партијата ќе им го отвори патот на новите кадри. Селими додава дека во иднина треба да се очекува што ќе произведат овие кадри.
„Без оглед на критиките што ги упатуваме кон овие лица, сепак тие имаат капитал во однос со партијата; земале и дале од партијата, и прекинувањето на овој стеблен дел е голем чекор кон новиот момент што ја очекува ДУИ, а тоа се определува со отворањето на партијата кон новите кадри.„Сега треба да ги зголемиме очекувањата кон ДУИ за она што ќе го произведе во иднина, како во кадровска, така и во политичка смисла.“, рече Селими.
Во меѓувреме, во однос на критиките од некои лица кои останале надвор од партиските структури, според аналитичарите тоа е нормално, бидејќи некои поединци во текот на овие 20 години нема позиција што не ја извршувале.