Градоначалничката на Скопје, Данела Арсовска тврди дека нејзиниот претходник Петре Шилегов започнал проекти без да знае како ќе ги реализира, ниту колку време ќе траат и кога ќе завршат. Од таа причина е стопиран и проектот за мостот АСНОМ, рече Арсовска, додавајќи дека во тој проект има многу имот со проблеми за отуѓувањето, поради што е многу тешко преку мостот да се поврзат двете страни.
За проектот Бас Рапид Транспорт Арсовска рече дека треба да се прашаат граѓаните, бидејќи според неа, постојат многу ризици, а проектот ќе чини многу.
Арсовска истакна дека ќе се реализираат само тие проекти што се почнати и кои се во интерес на граѓаните, додека освен овие два проекти таа го стопираше и тендерот за проширување на булеварот Никола Карев.