Во Тетово заврши асфалтирањето на улицата „Мехмет Паша Дерала“, една од најфреквентните улици која поврзува неколку делови од градот и поминува покрај Тетовската болница. Улицата е долга над 1200 метри и има просечна ширина од околу 7 метри. Градоначалникот на Тетово, Билал Касами, изјави дека оваа улица се смета за една од главните артерии на градот и дека со новото асфалтирање се очекува да се олесни сообраќајот во овој дел од Тетово.
„Станува збор за улица која е една од главните артерии на нашиот град, а која сега, со оваа инвестиција, доби модерен изглед. Оваа инвестиција подразбира целосно асфалтирање на оваа улица, со просечна ширина од околу 7 метри и должина од над 1200 метри. Исто така, сакам да потенцирам дека вкупната инвестиција во оваа улица достигнува вредност од околу 30 милиони денари. Уште еднаш, ова е многу важна инвестиција за патната инфраструктура на нашиот град.“, изјави Касами.