Австралиската авиокомпанија „Квантас“ утрово потврди дека била погодена од сајбер напад во кој хакерите ги добиле личните податоци на околу шест милиони нејзини корисници, додавајќи дека системот во меѓувреме е ставен под контрола.
Хакерите нападнале кол-центар и добиле пристап до платформа за услуги на клиентите од трета страна која содржела шест милиони имиња, е-адреси, телефонски броеви, датуми на раѓање и други лични податоци на корисниците на услугите на компанијата, соопшти денес „Квантас“.
Авиокомпанијата не ја прецизираше локацијата на кол-центарот или клиентите чии податоци беа компромитирани.