Австриските пожарникари кои помагаа во гасењето на пожари во Македонија си заминуваат од државата, објави доброволната противпожарска бригада noe122.at.
Тие посочуваат дека на 5-ти август започнала една од најразвиените и најголемите странски операции на доброволните противпожарни бригади на Долна Австрија и Штаерска.
„Илјадници хектари шума беа целосно опожарени во Северна Македонија, а за неколку часа, пожарникари од Австрија тргнаа да им помогнат на колегите во Северна Македонија со нивното знаење и најсовремена техничка опрема.
Сега е објавен и крајот на оваа успешна работа.
Тие не само што ги изгаснаа големите пожари, туку спасија и неколку села од целосно уништување. Утре наутро, и последните пожарникарски сили ќе се вратат во својата татковина“, се вели во објавениот текст.
Тие додаваат дека ваквите големи логистички, кадровски и технички операции се заштитен знак на доброволната противпожарна бригада.