Поради грешка во печатењето, ретка банкнота од 20 долари со налепница на еквадорскиот производител на банана „Дел Монтеа“ во моментов е во продажба.
Се продава преку аукциската куќа Херитиџ Аукшнс, а последната добиена понуда надминува 57.000 долари.
„Досега банкнотата е прегледана повеќе од 4.300 пати на веб-страницата на Аукцијата Херитиџ“, изјави за Си-Ен-Ен Дастин Џонстон, потпретседател и извршен директор на одделот за валути на аукциската куќа Далас. Аукцијата завршува на 22 јануари.
Банкнотата потекнува од серијата отпечатена во 1996 година, а единствена е поради налепницата што веројатно случајно се залепила на неа меѓу неколку фази на печатење, пишува хрватскиот портал Индекс.
Од аукциската куќа објаснуваат дека е посебна бидејќи на лепенката се отпечатени серискиот број на банкнотата и зелениот безбедносен печат, што ја прави оваа банкнота единствен пример за таква грешка во светот.
Записите од американскиот долар се печатат во три фази: прво се отпечати задниот дел од банкнотата, потоа се става лицето, и на крај се печати серискиот број и безбедносниот отпечаток „Трезорски печат“.
Очигледно е дека налепницата на производителот на банани „Дел Монте“ случајно паднала на хартијата и се залепила пред банкнотите да влезат во последната фаза на производство.
„Херитиџ“ вели дека во овој случај, интригирачки е како оваа банкнота успеала да ги помине сите многу строги контроли пред да биде пуштена во оптек.
Повеќето банкноти што содржат типографски грешки меѓу колекционерите обично се продаваат за помеѓу 100 и 1.000 долари, рече Леонард Аугсбургер, координатор на нумизматичкиот портал на Универзитетот во Вашингтон во Сент Луис. Тој додава дека банкнотата со налепницата „Дел Монте“ е нешто посебно, поради што привлече толку голем интерес од колекционерите.