Федерацијата Босна и Херцеговина ќе спроведе фискални реформи што ќе ја зголемат минималната плата на над 600 евра, скоро двојно повеќе од сегашната. Со новите закони, работодавачите ќе бидат ослободени од дел од придонесите, што ќе помогне во стимулирање на економијата и намалување на црниот пазар.
Премиерот Нермин Никшиќ истакна дека реформите ќе ја олеснат бизнис климата и ќе ја зајакнат економската стабилност. Вицепремиерот Војин Мијатовиќ додаде дека, покрај зголемувањето на минималната плата, ќе бидат воведени мерки за заштита на работниците со приходи под сегашниот минимум.
Минималната плата во Федерацијата Босна и Херцеговина сега изнесува 619 марки (околу 310 евра), а новата плата ќе биде 1.200 марки. Истовремено, ќе се воведе и систем за фискализација кој ќе ги контролира финансиските трансакции и ќе се бори против даночното затајување.