Битола се гуши во загаден воздух – 600µg ПМ10 честички во воздухот

Со 601 микрограми на метар кубен Битола вечерва е најзагадениот град во Македонија и Европа. Мерната станица Битола 1 покажува енормно високо присуство на ПМ10 честички во воздухот.

Битолчани на социјалните мрежи се жалат дека нема никакви информации или итни мерки од надлежните.

Пред неколку недели во Битола се протестираше за загадениот воздух пред општинската зграда.

И другите мерни станици низ Македонија покажуваат црвено светло. Мерната станица „Ректорат“ покажува 527, по неа следуваат податоците од Струмица со 356 и Карпош со 314 ПМ10 честички на метар кубен.