Министерот за здравство Венко Филипче на својот Фејсбук профил посочи дека само во последните две недели повеќе од 100.000 се пријавиле за вакцинација преку веб страницата vakcinacija.mk.
„Бројот на заинтересирани надмина 400.000. Ги охрабрувам сите граѓани што поскоро да се пријават на веб-страницата за да можеме да ставиме крај на пандемијата“, додава Филипче.
Според официјалната веб страница за вакцинација против ковид-19 пријавени се вкупно 419,399 граѓани, додека пак бројката на вакцинирани изнесува 220,733.
За заинтересираност за вакцинација можете да се пријавите преку веб страницата vakcinacija.mk или преку матичен лекар.