Бројот на жртви од земјотресот во Тибет се зголеми на 95

Бројот на жртвите во земјотресот што утринава го погоди Тибет се зголеми на 95, додека бројот на повредени е 130, пренесе Ројтерс.

Силен земјотрес со јачина од 7,1 степени според Рихтеровата скала го погоди хималајскиот регион на Тибет во југозападна Кина. Повеќе од 1.000 куќи се уништени, а тимови трагаат по преживеани под урнатините и им делат ќебиња и други потреби на погодените, јавуваат кинеските државни медиуми. Според податоците на кинеската метеоролошка управа, моменталната температура во тоа подрачје е минус осум, но до вечерва ќе се спушти до минус 18.

Луѓето останаа без вода и струја. Влезот во Националниот парк Монт Еверест е затворен. Тројца посетители кои разгледувале место се преместени на безбедно, јави кинеската државна телевизија.