100-годишниот часовник кој запре кога Јапонија беше погодена од катастрофален земјотрес и цунами пред една деценија, повторно започна да чука по неодамнешниот земјотрес.
Часовникот стоеше цела деценија во храмот Буншун Сакано како потсетување на 11 март 2011 година, кога се случи катастрофа во која загинаа повеќе од 18 000 луѓе. Храмот Фумоњи, лоциран на неколку стотици метри од брегот кој беше преплавен од брановите на цунами во Јамамото, беше уништен и останаа само столбовите и покривот. Храмот Сакано го исчисти и рани часовникот, но стрелките одбија да се помрднат.
Потоа, на 13 февруари оваа година, само неколку недели пред 10-годишнината од катастрофата, истото подрачје во Јапонија беше погодено од уште еден силен земјотрес, за кој експертите велат дека тоа е последователен шок по земјотресот во 2011 година.
Следното утро, Сакано, главниот свештеник на будистичкиот храм, го посетил местото за да ја утврди штетата, кога слушнал како отчукува часовникот. Дотогаш, „мртвиот“ часовник повторно започна да работи, а два месеци подоцна сè уште отчукуваше.
- Можеби тоа ме охрабрува да одам напред уште порешително – рече Сакано (58) и додаде дека тоа е „како знак на охрабрување дека ќе има обновување“.
Тој го купи часовникот во продавница за антиквитети во блиската Фукушима неколку години пред катастрофата во 2011 година.