Четворица наши спортисти добија Ордени „8 Септември“ по повод независноста на Република Македонија. Претседателот Стево Пендаровски со Орден ги одликуваше Оливера Наковска-Бикова, Бранимир Јовановски, Шабан Трстена и Дејан Георгиевски.
Свечената цереминија се одржа во претседателската вила „Водно“. Ова државно одликување традиционално се доделува на Денот на независноста.
На церемонијата присуствуваа и претседателот на Владата, Димитар Ковачевски и претседателот на Собранието, Талат Џафери.
Орденот се доделува за вонредни заслуги на личности и државни органи во конституирањето и изградбата на Републиката, за придонесот во воспоставувањето, развивањето и зацврстувањето на пријателските односи и мирољубивата меѓународна соработка и афирмација, меѓунационалните односи, безбедноста, одбраната и заштитата како и за исклучителниот придонес за јакнење на меѓународната положба и углед на државата.