Данска ја зголемува старосната граница за пензионирање на 70 години до 2040 година, со што ќе има една од највисоките граници за пензионирање во Европа.
Причината е продолжениот животен век и сè поголемиот број години што луѓето ги поминуваат во пензија. Според долгорочните процени на ОЕЦД, доколку старосната граница и понатаму се поврзува со животниот век, таа во иднина би можела да достигне и 74 години.
Во моментов, Данците се пензионираат на 67 години. За споредба, во Македонија жените можат да се пензионираат на 62, а мажите на 64 години, со најмалку 15 години пензиски стаж.
Стареењето на населението и притисокот врз пензиските системи ги тераат сè повеќе европски земји постепено да го продолжуваат работниот век.