Оваа депонија се наоѓа во селото Дебреште во Општина Долнени. Таа е тука речиси 11 години и речиси постојано има чад и пожар. Како тоа да не е доволно, депонијата се наоѓа покрај регионалниот пат што ги поврзува Долнени со Прилеп и Македонски Брод. Секој што поминува го чувствува непријатниот мирис, а да не зборуваме за жителите на селото Дебреште.
Градоначалникот на Општина Долнени, Блерим Ислами, изјави дека се обидуваат да најдат долгорочно решение за оваа депонија.
„Оваа депонија постои од 2015 година, преземаме конкретни чекори таа да биде дислоцирана од тоа место бидејќи им штети на жителите на оваа општина. Очекуваме изградба на регионалната депонија во Новаци, Битола, која ќе биде трајно решение за проблемот со отпадот. Додека пунктот за претовар ќе биде во Прилеп. Се надевам дека оваа регионална депонија, во која се вклучени и другите општини, ќе биде завршена што е можно побрзо и ќе ставиме крај на еколошката катастрофа со отпадот“, истакна Блерим Ислами, градоначалник на Општина Долнени.
Регионалната депонија во Новаци, Битола се очекува да биде готова во 2029 година, а до тогаш на општините ќе им остане да управуваат со отпадот преку привремени решенија.